El xaretón del embeligru nueche tras nueche

El miércoles 6 de Febreru tuvimos enseñando El Xaretón del Embligru en Noche Tras Noche, un magazine nocturno de la RPA, la radio autonómica d'Asturies.

 Ellí tuvimos encantaos col direutor, Marcos Vega, con Georgina Fernández y con Quique Reigada, un equipu de primera que fai un programa perguapu, de les nueve y media a les once y media la nueche. Charramos abondo, cuntamos a los oyentes como se fixeron dellos cuentos del llibru y quedamos en volver pa siguir cuntando cosines. 

El Xaretón…. en Pieces

El 31 de xineru tuvimos con Vanessa Gutierrez grabando n’Aviles, nos soportales de El Parche, una entrevista pal programa de la TPA, Pieces, una Revista audiovisual de la cultura asturiana.

Na entrevista, que sedrá una de les primeres de la nueva etapa d’esti programa, falamos abondu de como se fexo’l El Xaretón del Embeligru. Entá nun tá decidío cuando saldrá n’antena, enantes tien que pasar per un procesu de producción y montaxe.